Wada karke mukar jaane ka chalan accha hai,
Tadapte dil ko tadpane ka chalan accha hai..

Kitne saste hai aaj dil iss bazzar-e-ishq mein,
Ek ko tod duja apnane ka chalan accha hai..

Kabhi sochta hu kyu kar bhala chahun kissi ko,
Bina chahe hi zindagi bitane ka chalan accha hai..

Nahi ulfat hai kissi se, naa hi nafrat hai kissi se,
Nayi deewangi mein deewane ka chalan accha hai..

Kare shikayat koi gar toh bhale hi kiya kare,
Iss sauda-e-muhabbat pe muskurane ka chalan accha hai.