Naye saaz par naya taraane banaya jaaye,

Phir se chalo insaniyat ka gul khilaya jaaye..

Wo vishwas ka diya jo bujh gaya hai dilon mein,

Kurbaniyon ke ghee se usse phir jalaya jaaye..

Phir se chalo insaniyat ka gul khilaya jaaye..

Kyu mehsus dusare ka dard ab hota nahi hame,

Apne soye dilon ko phir se jagaya jaaye..

Phir se chalo insaniyat ka gul khilaya jaaye..

Dekh pir parayi kyun nam aankhen nahi hoti,

Inn aankhon ko phir se rona sikhaya jaaye..

Phir se chalo insaniyat ka gul khilaya jaaye..

Girte ko sambhalne ko haath kyu nahi uthte,

Inn bajuon ko kuch toh kam mein laya jaaye..

Phir se chalo insaniyat ka gul khilaya jaaye..

Kyu insaan ko kutte billi jyada pyaare hue,

Insaa ke liye apni muhabbat ko badhaya jaaye..

Phir se chalo insaniyat ka gul khilaya jaaye..