Sabhi poochte hai mujhse jindagi kya hai,
Main poochta hu khuda ki bandagi kya hai,
Jisse dekha nahi uss se hai itna pyar phir bhi,
Jinda insaano se ye sabki dushmani kya hai..

Apne liye jiya karte hain jaanwar bhi yahan,
Khud se bhala ye teri dosti kya hai..

Jo ek aansoo na pooch paye kissi ke ab tak,
Aise jeene ki bhala tujhko aarzoo kya hai..

Gar insaniyat ka labz jan hi na saka tu,
Gaahe-ba-gaahe muskurane ki hasrat kya hai..

Jo jeena ka salika hi na aaya tujhe yahan,
Jindagi se bhala ye teri ulfat kya hai..

Har bat pe pooche hai jindagi kya hai..
Main poochta hu KHUD ki bandagi kya hai..

Wada karke mukar jaane ka chalan accha hai,
Tadapte dil ko tadpane ka chalan accha hai..

Kitne saste hai aaj dil iss bazzar-e-ishq mein,
Ek ko tod duja apnane ka chalan accha hai..

Kabhi sochta hu kyu kar bhala chahun kissi ko,
Bina chahe hi zindagi bitane ka chalan accha hai..

Nahi ulfat hai kissi se, naa hi nafrat hai kissi se,
Nayi deewangi mein deewane ka chalan accha hai..

Kare shikayat koi gar toh bhale hi kiya kare,
Iss sauda-e-muhabbat pe muskurane ka chalan accha hai.

Zindagi ki ye kitaab hum padhen kaise,
Har or se ye toh ulti hi nazar aati hai..

Jitna bhi chah le par dil muskura nahi pata,
Mehfil mein toh tanhai bhi badhti jati hai..

Nahi gila phir bhi koi, shikwa bhi kyu karen,
Jo bhi toot ke chaho wo na hath aati hai..

Shayad yahi jeewan ka saccha makam hai,
Ki makam par kissi zindagi teher na pati hai..

Gar ho haasil har manzil toh jeene ki lalak kahan,
Issi ek soch se zindagi ye chalti jaati hai..

Bat kehne ki jo aa padi hai to ye kehna hai,
Har kissi ko bas khud ke liye hi jinda rehna hai..

Sabhi rishte sabhi naate tabhi mukammal hain,
Chere pe jo muskurat aur khushi ka gehna hai..

Kya sahi hai kya galat, khud ki paribhasha karo,
Kab tak kissi ke sahare se hi bas chalna hai..

Dil mein dard liye jeene se marna hi bhala hua,
Aise jeekar bhala kisko hume khush karna hai...

Ek umang thi iss dil mein, ab marne lagi hai,

Dari hui si meri jindagi aur darne lagi hai..

Na lautane ki koi raah hai, na hi koi diya,

Jane andhere ke kis daur se guzarne lagi hai..

Daba rakha tha kab se ye nassor iss dil mein,

Wo khalish phir se seene mein ubharne lagi hai..

Khatam ho jani hai to ho jaye ab bhale hi jindagi,

Maut mein hi ab toh jindagi meri sawarne lagi hai..

Gum-e-zindagi mein iss kadar majboor ho gaye,

Sabke pas aaye hum, khud se hi door ho gaye..

Kehte hain jindagi rafta rafta chalti rehti hai,

Hum ruke raston ke musaafir mashoor ho gaye..

Jeene aaye the jindagi, jindagi dhoondhte hai ab,

Apni nigaahon mein hum buzdil jaroor ho gaye..

Badi ummeed se hasraton ka diya jalaya hai,

Khoye lamho ko sanjo kar gulistan banaya hai,

Waqt ki aandhi se phir kashmakash hai meri,

Chand ehsaason se iss dil ko phir sajaya hai..

Jeene marne mein fark ko mehsoos kar saku,

Jindagi ko uss makam pe lane ki koshish hai,

Jin shigafon se beh ka nikal gaye jajjbaat,

Unhe phir waqt ke marhum se chupaya hai..

Gardish mein sitare sahi, gum kyu ho bhala,

Wo mayoosi kyu labon pe sada thirakti rahe,

Issi ek soch ke sajde kiye hai sab maine,

Ek muskan ka labon ko aashiyaan banaya hai..

Har dard ko dafan kiye chala main raah mein,

Har chot ke zakhm ko seene par hi liya maine,

Kuch bhi kahe jahan ab parwah hai kisko,

Aye jindagi maine toh tera saath hi nibhaya hai..