Kabhi haalaat, kabhi jajjbat mein kam nahi roye,
Ek aisa din nahi beeta hai ki jab hum nahi roye…
Wo judai ki kasak, wo tumhari pyaar ki batein,
Wo guzri tere pehlu mein meri rangeen raatein,
Inhi khayalon mein jaage hai ab hum nahi soye,
Ek aisa din nahi beeta hai ki jab hum nahi roye…
Wo meri naasamajh baton pe tera khikhila dena,
Kabhi sharma ke bas yu hi tera palkein jhuka dena,
Ye yaadein aaj bhi barbas meri palkon ko bhigoye,
Ek aisa din nahi beeta hai ki jab hum nahi roye…
Tujhse dur reh ke ab toh ek pal jee na payenge,
Gar aaya na tu toh yu bhi hum toh mar hi jayenge,
Geeli ankhein sahi par khwab hai humne bhi sanjoye,
Ek aisa din nahi beeta hai ki jab hum nahi roye…
No comments:
Post a Comment